आई अंबाबाई
आज किती सांगू ग सांगू ग आनंद माझ्या मनी
शब्द कसे आणू ग आणू ग आणू ग माझ्या ओठी
किती किती सांगू ग सांगू ग आनंद मावेना पोटी
आज घरी आली ग आली ग अंबाबाई
आज घरी आली ग आली ग अंबाबाई
तिने होती नेसली ग नेसली ग पैठणी जर्द पिवळी
तिने होती माळीली ग माळीली ग चाफ्याची वेणी
होते घातले ग घातले ग दागदागिने ठाई ठाई
पायी मंजुळ ग पैंजण वाजले दारी
आणि घरी आली ग आली ग अंबाबाई
आणि घरी आली ग आली ग अंबाबाई
ती बैसली ग बैसली ग चौरंगावरी बाई
रूप तिचे पाहून ग पाहून ग मी भान हरपले बाई
तीची रूपेग रूपेग स्त्रीजातीची शक्ती
तिने ठेविला ग ठेविला ग हात माझ्या डोईवरी
तिच्या बांगड्याच्या आवाजाने मी भानावर आले बाई
आणि घरी आली ग आली ग अंबाबाई
आणि घरी आली ग आली ग अंबाबाई
श्रीमती श्रद्धा कुलकर्णी
{सांगली}
0 टिप्पण्या
Please do not enter any spam link in the comment box.